აპრილი 2022 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

27 მაისი 2022

2022 წლის აპრილში საქართველოს ელექტროსადგურებმა ჯამში 1125 მილიონი კილოვატსაათი ელექტროენერგია გამოიმუშავა (დიაგრამა 1). აღნიშნული მაჩვენებელი, წინა წელთან შედარებით, სრული წარმოების 36%-იან ზრდას წარმოადგენს (2021 წლის აპრილში სრული წარმოება 825 მილიონი კილოვატსაათი იყო). წარმოების ყოველწლიური ზრდა ჰიდროელექტროსადგურების (44%) გაზრდილმა გამომუშავებამ განაპირობა, მაშინ როცა თბოელექტროსადგურების (46%) და ქარის ელექტროსადგურების (6%) გამომუშავება შემცირდა.

თვიური გამოთვლებით, წარმოება, დაახლოებით, 4%-ით გაიზარდა (2022 წლის მარტში სრული წარმოება 1077 მილიონ კილოვატსაათს გაუტოლდა) (დიაგრამა 1). წარმოების თვიური ზრდა ჰიდროელექტროელექტროსადგურების (90%) წარმოების ზრდამ გამოიწვია, მაშინ როცა თბოელექტროსადგურების (93%) და ქარის ელექტროსადგურების (9%) წარმოება შემცირდა.

ელექტროენერგიის მოხმარებამ ადგილობრივ ბაზარზე 1156 მილიონი კილოვატსაათი შეადგინა (10%-ით მეტი 2021 წლის აპრილთან შედარებით და 14%-ით ნაკლები 2022 წლის მარტთან შედარებით) (დიაგრამა 1). 2022 წლის აპრილში ენერგიის მოხმარებამ წარმოებას 30 მილიონი კილოვატსაათით გადააჭარბა, რაც სრული წარმოების 3%-ს შეადგენდა (2021 წლის აპრილში მოხმარებასა და წარმოებას შორის სხვაობამ 224 მილიონი კილოვატსაათი შეადგინა, რაც თვის განმავლობაში სრული წარმოების დაახლოებით 27%-ს გაუტოლდა).

თეგები: #ელექტროენერგია, #ენერგეტიკა, #ჰიდროენერგია, #ქარის ენერგია, #თბოენერგია,

ინდექსები

იხილეთ პუბლიკაცია

მსგავსი ინდექსები