12 აპრილს ISET-ის კვლევითმა ინსტიტუტმა უმასპინძლა აზიის განვითარების ბანკის (ADB) საგანმანათლებლო პრეზენტაციას სახელწოდებით „აზიის განვითარების პერსპექტივები 2024“, რომელიც ხელმძღვანელობდა ბ-ნი კიოში ტანიგუჩი, აზიის განვითარების ბანკის (ADB) რეგიონული წამყვანი ეკონომისტი.

4 აპრილს ISET-ის კვლევითმა ინსტიტუტმა უმასპინძლა საჯარო სემინარს, რომელიც დაეთმო დისკუსიას თბილისში ჰაერის დაბინძურების, სიღარიბისა და თანასწორობის შესახებ. მსოფლიო ბანკის სიღარიბისა და თანასწორობის პრაქტიკის ეკონომისტებმა, ალან ფუქსმა და სანდრა ბაკიმ წარადგინეს მსოფლიო ბანკის ახალი კვლევა, „სიღარიბე და ჰაერის დაბინძურების განაწილებითი შედეგები თბილისში“ და მოწვეულ სტუმრებთან ისაუბრეს ამ აქტუალურ საკითხზე სიღრმისეული კვლევისა და დიალოგის მნიშვნელობაზე.

28 ნოემბერს ISET-ის კვლევითი ინსტიტუტისა და UNDP-ის მიერ ორგანიზებულ ერთობლივ კონფერენციაზე დაინტერესებული მხარეები ახალი ინიციატივის განსახილველად შეიკრიბნენ, რომლის მიზანიც საქართველოს მცირე და საშუალო ბიზნესის სექტორის მარეგულირებელი პროცესის დახვეწა და ეფექტიანობის გაზრდაა.

14 ნოემბერს ISET-მა CY Cergy Paris Université, THEMA-ს გამორჩეულ პროფესორს, დრ. ანდრე დე პალმას უმასპინძლა, რომელმაც საჯარო სემინარზე წარადგინა თემა „დაბალი ემისიის ზონების გავლენა სივრცულ და ეკონომიკურ უთანასწორობებზე დინამიური ტრანსპორტის სიმულატორის გამოყენებით“. პროფ. დე პალმას პრეზენტაცია ეხებოდა ჰაერის დაბინძურების უმნიშვნელოვანეს საკითხს, კერძოდ, ივარაუდება, რომ ჰაერის დაბინძურებამ 2023 წელს ევროკავშირში 311,000 ნაადრევი სიკვდილი გამოიწვია, მასთან დაკავშირებულმა ხარჯებმა კი 224 მილიარდი ევრო (მშპ-ის 1.4%) მიაღწია.

3 ოქტომბერს ISET-ის კვლევითმა ინსტიტუტმა და Zinc Network-მა უმასპინძლეს საჯარო პრეზენტაციას, რომელზეც ISET-ის კვლევითმა ინსტიტუტმა საქართველოში რუსული ბიზნეს მფლობელობის ფაქტორებით გამოწვეული რისკების კვლევის შედეგები წარადგინა. ღონისძიებას ადგილობრივი და საერთაშორისო ინსტიტუტების, სამოქალაქო საზოგადოების და ფართო საზოგადოების წარმომადგენლები ესწრებოდნენ.