საქართველოს სტატისტიკის ეროვნულმა სამსახურმა (საქსტატი) 2024 წლის მაისის მშპ-ის რეალური ზრდის წინასწარი შეფასება გამოაქვეყნა. აღნიშნული შეფასებით, მშპ 9.2%-ით გაიზარდა. მშპ-ის ზრდის საშუალო წლიურმა მაჩვენებელმა კი 2024 წლის პირველ კვარტალში 8.4%-ს მიაღწია, რაც 0.6 პროცენტული პუნქტით აღემატება მანამდე არსებულ მაჩვენებელს. მშპ-ის ზრდის საშუალო მაჩვენებელმა 2024 წლის იანვარ-მაისის პერიოდში კი 9.3%-ს მიაღწია.

საქსტატის წინასწარი შეფასების თანახმად, 2024 წლის პირველ კვარტალში საქართველოს ნომინალური მშპ 18,913.2 მილიონ ლარს შეადგენდა, რეალური მშპ-ის ზრდის წლიური მაჩვენებელი 8.4%, ხოლო მშპ-ის დეფლატორის ცვლილება 3.1% იყო.

პირველ მაისს რეფორმეტრმა და USAID-ის ეკონომიკური მმართველობის პროგრამამ საჯარო-კერძო დიალოგს უმასპინძლეს, რომელიც ამბროლაურში გაიმართა და ტურიზმის რეფორმის პროგრესის შეფასებას დაეთმო.

13 თებერვალს ISET-ის კვლევითმა ინსტიტუტმა და USAID-ის ეკონომიკური მმართველობის პროგრამამ ერთობლივი პროექტის ფარგლებში მრგვალი მაგიდის დისკუსიას უმასპინძლეს თემაზე: ციფრული ტრანსფორმაციის გამოწვევები და პერსპექტივები ტურიზმის ინდუსტრიაში.

25 სექტემბერს რეფორმეტრმა, USAID-ის ეკონომიკური მმართველობის პროგრამამ და საქართველოს ტურიზმის ინდუსტრიის ალიანსმა ერთობლივ საჯარო-კერძო დიალოგს უმასპინძლეს, რომელიც ქუთაისში გაიმართა და ტურიზმის რეფორმის პროგრესის შეფასებას დაეთმო.